> جيتك والألم يعصرني
زاد الظلم بي وأتعبني
هو للحال ذا وصلني
*****
في تاريخ سبعة سبعة
جانا منتشي به شبعة
قالوا لي أن هذا طبعه
*****
قلنا له تأنى واعقل
هذا الشعب ما با يقبل
وإلا النصر بايتحول
*****
لكن ما سمع لي كلمة
ضيع قول أهل الحكمة
حتى مسكنك واللقمة
*****
أما الآن كنه حانب
أولها قضية راتب
وإن الشعب عاده غاضب
*****
ما ذلحين جانا السيد
لاجمهر ولا متوحد
يشتي كل شيء يستعبد
بعض الناس هم نصابين
ماهم للتوحد جايين
هذولا سرق كذابين
*****
قد كنا سوا مرتاحين
لكن بعضهم شطاحين
بين الناس دقوا أسفين
*****
ياعبده شدد وثق
غير مستشارك السبق
لا قررت نفذ والحق
*****
قد صدري ملانه أوجاع
من ذي جاء يشمع شماع
ماشي حل غير الرقاع
*****
سوا عندنا له دكان
شل المزرعة والبستان
ينكر من معه في الميدان
*****
هذا شعب مش هو لعبة
خلي للتوحد رغبة
والأزمات باتلعب به
*****
قال الأرض هذي حقي
وأقسم قال ما با بقي
دور لك بدلها وشقي
*****
لما بانت أحوال الناسِ
زيدهم شوية أفلاس
زاد الظلم به والرفاس
*****
يشتي يستعيد أمجاده
راغب في رجوع أجداده
في إيران ربى أحفاده
كانوا ينهبوا قدامي
جو للفيد والقسامي
شلوا الباردة والحامي
*****
عندي أمن عندي استقرار
من مستوردين الأفكار
دمرنا بلدنا دمار
*****
عندك تجربة مش سهلة
لا تعطي لبوهم مهلة
دي أتفلسف لعد تسمع له
**محمد صالح قشول**