>
لما متى واحنا بضيق؟

قولوا لنا يأهل القرايح والفكر

الناس جم في ضايقه

كل ما بدت تفرج تضيق!

صادفت يا كم من صديق

ورأيتهم يشقون في بحر وبر

دايم بنيّة صادقة

ما همهم شوك الطريق..

يا نازل البحر العميق

قايس قياسك قبل ما تلقى الخطر

حاسب وشمسك شارقة

إياك تغتر بالبريق

لا شفت في الغُبّه غريق

بيدُه يلوح لك على طول النظر

شلُّه بقوة خارقة

يا صاحب الوجه الطليق

ناديت باسمك يا (رفيق)

ورسمت لك في خاطري أحلى الصور

أهل القلوب العاشقة

تفرح اذا لاقت عشق..