أمرهم لله..

> «الأيام» علي أمان:

>
علي أمان
علي أمان
أمرهم لله ذي هم يتعبوك

وانت ياقلبي على عهدك دوام

وان قربت منهم زادوا يبعدوك

سيبهم وارتاح ومالك والغرام

***

قد نصحتك وعاد حبك هلال

مارضيت تسمع وخليته قمر

والنهاية شوف مصير بدرك زوال

وانت تقضي الليل وحدك في سهر

***

دوب يا قلبي نصيبك في تعب

كلما يخلص هَمْ يجيلك هَمْ جديد

مابلوم احد باقول انت السبب

يوم واحد مر ما شفتك سعيد

***

قالوا ذي الايام تجري كالسحاب

داوي بالنسيان جراحك تندمل

والا باقي العمر تقضيه في عذاب

وانت عمرك شوف قَرَّب يكتمل

***

الدموع أخفيها عن أهل الحسد

واطوي همك ومالك والظنون

أمرهم لله ولا تشكي لحد

عيش لك مرتاح وما قدر يكون

> أخبار متعلقة

تعليقات فيسبوك

Back to top button
زر الذهاب إلى الأعلى