غلطته قلبي مرة صدقك

> «الأيام» عدنان الأعجم:

> إهداء إلى الفنان نائف عوض

جيت تذكرني وقلبي قد نسى

تشتكي جرحك وأنا كلي أسى

وأيش باتلقى عاد فيني عسى

وإلا سوء الظن يظهر طوقك

غلطته قلبي مرة صدقك

شوه يفيد اليوم تحكي ذي استوى

والجرح في الداخل ماشي له دواء

أنته ذي ضيعت أحلام الهوى

ذا جزاء لكن اللي يعشقك

غلطته قلبي مرة صدقك

قلبي معك مظلوم ولا مرة اشتكى

وانته خليته عرضة للبكى

والقلب يتوجع لو بذكرك حكى

فجأة في لحظة غيرت منطقك

غلطته قلبي مرة صدقك

ما عاد لك عندي موقع أو مكان

روحلك بالله قد فات الأوان

من هانت عليه نفسه يرضى بالهوان

هذا كلام الصدق اللي حنقك

غلطته قلبي مرة صدقك

> أخبار متعلقة

تعليقات فيسبوك

Back to top button
زر الذهاب إلى الأعلى