> ذا جفاء منّك وكبرة

أو محبّة أو دلال

أو تغلّي لجل حبك

وإلّا ذا كله خيال

فْيك والله صرت حاير

سبتني مشًغول بعدك

مفتهم لي إيش قصدك

قلت لي في يوم إنك

ملك لي وأني مرادك

بس فجأة في ثواني

صرت تتعمد بعادك

رغم أنك أنت عارف

كم أنا حبك وودك

مفتهم لي إيش قصدك

كل لحظة غيب عنك

كنت تتطمن وتسال

وانتهى كل اهتمامك

عن أموري صرت تجهل

ما قدرت أفهم وأعرف

ما سبب هجرك وصدك

مفتهم لي إيش قصدك

ذي يحب ما ظن ينسى

أو يفكر بالخصام

ما يسيب اللي يحبه

إن ذا أكبر حرام

إيش ناوي لا تخبي

في رسالة (كد) ردك

مفتهم لي إيش قصدك

* شاعر من الكود بأبين