> علّق الاعلامي المصري المعروف عمرو أديب على خروج بلاده من بطولة أمم أفريقيا 2019 بعد الخسارة أمام جنوب افريقيا بهدف وحيد في تغريدة له على صفحته بموقع التواصل الاجتماعي تويتر قائلاً : "أوعى حد يقولي انه انصدم ، أو إنها مفاجأة كان باين المستوى من الاول إحنا اللي بس كنا بنساند وبندعي .. لكن الكوره في النهاية ، عرق ولياقة ولعيبة ملتزمة لازم حد يتحاسب لازم حد يتحاسب لازم حد يتحاسب".

* وعلى برنامجه الذي يبث على قناة MBC قال أديب : "ببص في تويتر مستغرب جداً من الصدمة مستغرب جداً من المفاجأة ، إحنا كنا فاكرين إننا حنعدي كل ماتش ، بفكرة كعبنا العالي وجمهورنا الـ 75 ألف ، وأن محمد صلاح ربنا يكرمه في اللحظة الأخيرة ، وأن تريزيجيه يجيب بانيلتي ومروان محسن تتفك عقدته والكلام ده ..".

* وأضاف : "كل دا مهم ولكن الأهم من ذلك في الكرة إنك تبقى فريق جيد وأن يبقى عندك لياقة بدنية جيدة وما تستهترش بالخصم بتاعك وانك تلعب لعب جماعي ودكة بدلاء زي اللعيبة اللي في الملعب بصراحة ، وكلكوا كان قلبكو حاسس ، خلينا نواجه بعض ، قلبكم كان حاسس من الأول أن المنتخب ده مش قوي ، وبدأ ناس في التحليلات يقولوا ليه ما هو في سنة كذا وكذا ما كانوش بيلعبوا ، ما هي إيطاليا أخذت كأس العالم إزاي؟.."

واختتم : "إحنا من أول البطولة قلنا أن نص الفرق الموجودة مرشحة إنها تأخذ البطولة ، خلاص معدش في أحد في أفريقيا التمثيل المشرف وبتاع .. ده مستوانا واحنا أخذنا على قد مستوانا..".