فنانة تفضح المنتجين: جسدي مقابل فرصة العمل

> «الأيام» النهار العربي :

> كشفت الفنانة دنيا المصري تعرضها للتحرش من قبل منتجين كُثر في عالم الفن، مؤكدةً لجوئهم إلى محاولة إقامة علاقات جنسية معها في مقابل إعطائها فرص عمل.

وقالت في مقطع فيديو نشرته في حسابها على موقع "فيسبوك" : "يعني أنا مش عارفة هل أنا صوتي وحش، شكلي وحش، فيا عيب، فيا حاجة؟ معتقدش، كل ما أروح شركة إنتاج يقولولي الله يا فنانة صوتك جميل، خلاص هنبتدي شغل يبص في حتة تانية خالص، يبص لشكلي أو لجسمي، أو يتجوزني عرفي، هو أنا لازم أعمل حاجة غلط، ولازم أقدم تنازلات، أنا طلع عيني لحد ما وصلت للي أنا فيه".

وأضافت الممثلة والمطربة المصرية: "أنا مقولتش إني مش بقوم من على السجادة، أنا بسهر وليا صحابي أولاد أكتر من البنات، بلبس قصير ومفتوح وكل حاجة، بس أنا مش عايزة أعمل حاجة غلط، شغل في الشارع واشتغلت، دراسة ودرست، في الأوبرا واشتغلت، عملت كل حاجة تأهل الفنان للنجاح، تعبت على نفسي، خدتها من تحت، ما عنديش مشكلة أتعب، بس عايزة أوصل وانجح، أوصل باحترامي وكياني وبصوتي ومش لازم أعمل حاجة غلط".

وختمت هجومها: "هو إحنا سمعتنا وحشة من فراغ، مش شرط الغنا بس، أي نوع من أنواع الفن عليه سبوت، لو الفن دا يا جماعة بالمنظر ده، إني لازم أصاحب المنتج، أحسن لي إني أقعد بكرامتي، لو صوتي وحش قولولي اقعدي في بيتك وما تشتغليش، أنا تعبت ومش عارفة أعمل إيه".

يُذكر أنّ دنيا المصري بدأت حياتها الفنية عندما اختارها المخرج مسعد فودة لتشارك معه في فيلمه"ماشيين بالعكس" في عام 2008، لتتوالى بعده أدوارها الفنية الصغيرة، لكن بروزها الفني بدأ جديًّا في شهر رمضان من عام 2010، حين شاركت في ثلاثة أعمال تلفزيونية: "قضية صفية"، و"العتبة الحمرا"، و"شاهد إثبات".

> أخبار متعلقة

تعليقات فيسبوك

Back to top button
زر الذهاب إلى الأعلى